Франциялық кәсіпқой боксшы Анауэль Нгамиссенге (14-0, 9 KO) алдағы жекпе-жек алдында тыңғылықты дайындалып жатқанын көрсетті, деп жазады 1bol.kz.
Спортшы Instagram желісінде Астанаға ұшар алдындағы соңғы жаттығуының видеосын жариялады.
Бейнежазбада Нгамиссенге жаттығудың бірнеше кезеңін көрсетеді. Оның физикалық дайындығы мен жеңіске деген ұмтылысы бейнежазбадан анық байқалады.
Айта кетейік, 5 сәуір күні Астанада отандасымыз Жәнібек Әлімханұлы (16-0, 11 KO) мен Анауэль Нгамиссенге арасында жекпе-жек өтеді. Бұл кездесуде Әлімханұлы өзінің орта салмақтағы WBO және IBF нұсқалары бойынша әлем чемпионы атақтарын қорғайды.
Еске салайық, 4 қазанда қазақстандық Жәнібек Әлімханұлы жаңазеландиялық Андрей Михайловичті жеңіп, IBF және WBO чемпиондық атақтарын қорғаған болатын.
Фото: Видеодан кадр.
