Қазақстандық футболдағы төрешілердің гонорары белгілі болды, деп жазады penalty.kz.
Қазақстан футбол федерациясы (ҚФФ) президентінің кеңесшісі Нұрсұлтан Құрманның айтуынша, елдегі реферилердің еңбекақысы көтерілді.
2025 жылғы маусымнан бастап Қазақстан премьер-лигасында (ҚПЛ) төрешілердің жалақысы төмендегідей бекітілді:
- Бас төреші – 713 514 теңге
- Ассистент төреші – 396 396 теңге
- VAR төрешісі – 339 769 теңге
- VAR ассистенті – 283 140 теңге
- VAR операторы – 155 725 теңге
- Резервтік төреші – 62 292 теңге
- Матч инспекторы – 254 826 теңге
- Телеинспектор – 43 560 теңге
- Матч делегаты – 90 000 теңге
Қазақстан Кубогында төрешілердің жаңа жалақысы 1/8 финалдан бастап күшіне енеді.
ҚПЛ-дың 1 және 2 турындағы төрешілердің қаржылық актілері қайта қаралып, регламентке сәйкестендіріледі.
Бірінші және екінші лигадағы, сондай-ақ жасөспірімдер арасындағы (ДЮФ) матчтарда да төрешілердің гонорары көтерілмек. Бірақ нақты қаншаға өсетіні әзірге белгісіз.
Бұл өзгерістер қазақстандық төрешілердің жағдайын жақсарту және футболдың әділдігін арттыру мақсатында енгізілген.
Фото: kpl.kz.
