АҚШ — Ресей арасындағы супертурнир ұсынысында қазақстандық файтердің есімі Ресей туының астында көрсетілді, деп жазады penalty.kz.
Бұл ұсынылған жекпе-жек кешінің қатысушылары қатарында жеңіліп көрмеген қазақстандық файтер Шавкат Рахмоновтың есімі де бар. Алайда, оның аты Ресей туының астында көрсетілген. Бұл жанкүйерлер арасында көптеген сұрақ тудырды.
UFC 318: АҚШ – Ресей турнирі ұсынысы
Лафламм турнирдің өтетін орнын Филадельфия қаласы деп белгілеп, басты жекпе-жектерді атады:
Бұл ұсыныс ресми емес, тек Лафламмның жеке идеясы болғанымен, Рахмоновтың Ресей құрамында көрсетілуі көпшіліктің назарын аударды.
Рахмонов Қазақстан атынан өнер көрсетуді жалғастырады
Айта кетейік, Шавкат Рахмонов – Қазақстанның UFC-дегі ең танымал файтерлерінің бірі, оның рекорды – 19 жеңіс (18 КО) және бірде-бір жеңіліс жоқ.
Бұған дейін Рахмоновтың 10 мамырда Белал Мұхаммедпен титулдық жекпе-жек өткізуі күтілген, алайда, АҚШ файтері бұл кездесудің орнына Джек Дела Маддаленамен жұдырықтасатыны белгілі болды.
Қазақстандық файтер жарақатына байланысты жекпе-жектен уақытша бас тартуға мәжбүр болды. Ол толық қалпына келген соң, күзде титулдық жекпе-жекке шығуды жоспарлап отыр.
Фото: newtimes.kz.
