Қазақстандық теннисші Бейбіт Жұқаев (АТР рейтингісінде 216-орын) Швейцарияның Лугано қаласында өткен турнирдің алғашқы айналымында сенсациялық жеңіліс тапты, деп хабарлайды Sports.kz.
Жұқаев жекелей сында 17 жастағы нидерландтық теннисші Меес Роттгерингпен (АТР рейтингісінде 835-орын) кездесіп, айтарлықтай деңгей айырмашылығына қарамастан, үлкен қиындықтарға тап болды.
Нәтижесінде, ол 6:4, 6:7, 6:7 есебімен жеңіліп қалды.
Ойын барысында қазақстандық спортшы 30 эйс жасағанына қарамастан, жарысты осы кезеңде аяқтады.
Ал Роттгеринг 1/8 финалға шығып, енді Вилюс Гаубас (Литва, 184-орын) пен Доминик Штрикер (Швейцария, 289-орын) арасындағы матчтың жеңімпазымен кездеседі.
Луганодағы турнирдің жүлде қоры 91 250 еуроны құрайды. Жарыстың жеңімпазы 12 980 еуро мен 75 рейтингтік ұпайға ие болады.
Фото: sports.kz.
