Эрлинг Холландтың трансфері туралы тың деректер пайда болды, деп жазады penalty.kz.
«Реал» жаңа трансферлік рекорд орната ма?
Басылымның мәліметіне сәйкес, Флорентино Перес «Реал» сапына Эрлинг Холландты қосуды армандайды. Егер Винисиус Жуниор мадридтік клубтан кету туралы шешім қабылдаса, «корольдік клуб» оның сатылымынан түсетін 250 миллион еуроны норвегиялық шабуылшыға жұмсауға дайын.
Винисиустың жағдайы күрделі: оған Еуропаның үздік клубтарынан және Сауд Арабиясының командаларынан ұсыныстар түсіп жатыр. Бірақ «Реал» оның жалақысын айтарлықтай өсіруді жоспарламайды, тек бонустар мен 2027 жылға дейінгі жаңа келісімшарт ұсынуда. Егер бразилиялық ойыншы кетуді ұйғарса, клуб оның трансферінен кемі 250 миллион еуро табыс тапқысы келеді.
Винисиус Жуниор. Фото: pressball.by.
Ал Холландтың өзі «Реал» жейдесін киюге қарсы емес, сондықтан егер Винисиус кетсе, бұл трансфер 2024 жылдың жазында іске асуы мүмкін.
Холландтың статистикасы мен нарықтық бағасы
- 35 матч
- 27 гол
- 3 ассист
Transfermarkt мәліметі бойынша, оның қазіргі нарықтық құны – 200 миллион еуро. Бұл оны әлемдегі ең қымбат ойыншылардың біріне айналдырады.
Трансферге кедергі – Холландтың келісімшарты
Алайда, Холланд биыл қаңтар айында «Манчестер Сити» клубымен келісімшартын 2034 жылға дейін ұзартты.
«Манчестер Сити» норвегиялық шабуылшыны ұзақ мерзімге командада сақтап қалуды жоспарлап отыр. Ол үшін клуб қаржылық жағдайын жақсартып, негізгі ойыншы ретінде мәртебесін күшейтуге уәде берген.
Фото: news.sportbox.ru
