27 жастағы нигериялық вингер Самуэль Калу «Ақтөбе» клубымен келісімшартқа отырмайтын болды.
Бұған дейін клуб футболшымен келісім жасасуды жоспарлаған еді, алайда «Ақтөбенің» медициналық штабы оны мұқият тексеріп, денсаулығына байланысты мәселелер анықтады.
Кәсіби мамандардың жылдам әрекетінің арқасында клуб ойыншының денсаулығы мен команданың спорттық мүдделерін ескере отырып, келісімшарттан бас тарту туралы шешім қабылдады.
Өз карьерасында Калу Еуропаның бірнеше клубтарында өнер көрсетті, оның ішінде «Тренчин», «Гент», «Уотфорд», «Лозанна» және «Бордо» командалары бар.
Сонымен қатар, Самуэль Калу Нигерия ұлттық құрамасы сапында 17 матч өткізіп, 2 гол соқты.
Қазіргі уақытта футболшының трансферлік құны 1,70 млн евро деп бағалануда.
Фото: Trasfermarkt.
