Геннадий Головкин әлемдегі ең үздік 10 боксшының бірі атанды. Ұзақ жылдар бойы орта салмақта үстемдік құрған қазақстандық боксшы рейтингте тоғызыншы орынға жайғасқан, деп жазады 1bol.kz.
Рейтингті британдық Givemesport порталы жариялады.
«Геннадий Головкин орта салмақта жылдар бойы үстемдік құрған боксшы. Ол тек шабуылдап ғана қоймай, қарсыластың ауыр соққыларын міз бақпай қабылдап, сондай-ақ еш қиындықсыз өткізіп жіберетін шеберлігімен танылды», — деп жазылған аталған материалда.
Әлемнің ең мықты 10 боксшысы:
- Джордж Луис Чувало (73-18, 64 KO)
- Джордж Форман (76-5, 68 KO)
- Марвин Хаглер (62-3, 52 KO)
- Мұхаммед Әли (56-5, 37 KO)
- Майк Тайсон (50-7, 44 KO)
- Сауль “Канело” Альварес (62-2, 39 KO)
- Ларри Холмс (69-6, 44 KO)
- Эвандер Холифилд (44-10, 29 KO)
- Геннадий Головкин (42-2, 37 KO)
- Панчо Вилья (77-4, 22 KO)
Геннадий Головкин әуесқой боксшылар арасында 2003 жылғы әлем чемпионы. 2004 жылы Афиныда өткен Олимпиада ойындарында күміс алып, 2004 жылы әлем чемпионатында жеңімпаз атанды.
Кәсіпқой бокста IBF, WBA, WBC және IBO нұсқалары бойынша әлем чемпионы болған.
Фото: Getty Images.
