Бокстан еліміздің тұңғыш Олимпиада чемпионы, бүгінде АҚШ-та өмір сүретін Василий Жиров Қазақстанға келген болатын. Ол туған жеріне жақындарын көру үшін ғана емес, отандық боксқа қол ұшын созу үшін де ат басын бұрып еді. Алайда, спорттық функционерлер білікті боксшыға қызмет тауып бере алмады, деп жазады 1bol.kz.
Жиров қазір Сауд Арабиясында жүр, бапкерлік қызмет бойынша ұсынысты қарастырып жатқан көрінеді. Оның сөзінше, әлі келісімшартқа қол қойылмаған, дегенмен арабтар тарапынан оның тәжірибесіне қызығушылық бар.
«Мен елімде қалып жұмыс істеуге дайын болдым, алайда спорт басшылары үнсіз қалды. Менің ұсынысым қабылданған жоқ, ақырын ғана шеттетіп тастады», — деді Жиров exclusive-ке берген сұхбатында.
Боксшы әлі де бабында екен, тыңғылықты жаттығу жасап жүргенін алға тартқан.
Еске салайық, 2024 жылдың соңында Василий Жиров «Бірінші бол» YouTube-каналында қонақта болып, сұхбат барысында Қазақстанда жұмыс істегісі келетінін айтқан болатын. Алайда, Бокс федерациясы оған ешқандай ұсыныс жасамаған. Тіпті, туған жері Қарағанды облысынан да лайықты қызмет ұсынылмаған секілді.
Фото: Бірінші бол.
