Мұрат Тілешов «Оқжетпес» футбол клубының директоры қызметіне тағайындалды.
Бұл туралы клубтың баспасөз қызметі мәлімдеді.
Мұрат Тілешев – Жамбыл облысы футболының түлегі. Ол футболшы ретінде Қазақстанның 9 клубында өнер көрсетті. Мансабында үш мәрте ел чемпионы болып, премьер-лиганың үздік сұрмергені атанды.
Футболшы мансабы аяқталғаннан кейін, Қазақстан футбол федерациясында жұмыс істеді. Сондай-ақ, «Шахтер», «Ақтөбе» және «Тұран» клубтарында спорт директоры қызметін атқарды.
«Оқжетпес» болса былтыр Бірінші лигада чемпион атанып, биыл Премьер-лигаға қайта оралады. Клуб қазіргі таңда Түркияда оқу-жаттығу жиындарын өткізіп жатыр.
Фото: ФК “Тұран”.
