Лондонда жартылай ауыр салмақтағы абсолютті әлем чемпионы Артур Бетербиев пен экс-чемпион Дмитрий Бивол арасындағы алдағы реваншқа арналған ресми баспасөз отырысы өтті, деп хабарлайды 1bol.kz.
Конференциядан кейін боксшылар алғаш рет дуэль-көзқарас жасап, жанкүйерлерге тартысты жекпе-жек өткізуге уәде етті.
Бұл жолы боксшылар өзара қысқа ғана сөйлесіп, алдағы жекпе-жекке қатысты дайындықтары туралы айтты.
«Сен мені хат тасушы деп ойлайсың ба? Біз рингте мықты жекпе-жек көрсетеміз. Менің хабарламам – дайын бол. Басқа айтарым жоқ», — деді Артур Бетербиев.
Ал Дмитрий Бивол болса «менің Артурға ешқандай хабарламам жоқ, себебі мен хат тасушы емеспін. Біз рингке шығамыз. Нәтижені сондағы іс-әрекетіміз көрсетеді» деп жауап берді.
Аталған реванш айқасы 22 ақпанда Сауд Арабиясының Эр-Рияд қаласында өтпек.
Естеріңізде болса, қос боксшы өткен жылдың қазан айында кездесіп, 12 раундқа созылған жекпе-жекте төрешілердің көпшілік шешімімен Артур Бетербиев жеңіске жеткен болатын. Сол жолы Бетербиев WBC, WBA Super, IBF, WBO, IBO және The Ring белбеулеріне қол жеткізді.
Фото: DAZN / видеодан кадр.
