Дүниежүзілік бокс қауымдастығы (WBA) 2024 жылдың қорытындысы бойынша барлық салмақта рейтингті жариялады, деп хабарлайды 1bol.kz.
ТОП-15 тізімге Қазақстаннан үш боксшы енген. Бұл тұрғыда Өзбекстан боксшылары біздің елді тағы да басып озды.
Қазақстан тарапынан рейтингке Бек Нұрмағанбет (10-орын), бірінші орта салмақ өкілі Батыржан Жүкембаев (12-орын) және екінші жартылай жеңіл салмақ өкілі Сұлтан Зауырбек (3-орын) енген.
Ал, Өзбекстанның бес бірдей боксшысы WBA рейтингінің көш басындағы орындарына жайғасқан. Атап айтқанда, Муроджон Ахмадалиев екінші аса жеңіл салмақта уақытша әлем чемпионы болса, Шахрам Гиясов пен Хасанбой Дусматов өз салмақтарында көш бастаған. Жартылай орта салмақ өкілі Бектемир Меликузиев үшінші, бірінші орта салмақ өкілі Исраил Мадримов 4-орында тұр.
Айта кетейік, былтыр аса ауыр салмақта ТОП-15 боксшының қатарында болған қазақстандық Иван Дычко рейтингтен шығып қалды. Ол желтоқсанда жоспарланған жекпе-жекке жарақатына байланысты шыға алған жоқ.
Фотода Муроджон Ахмадалиев, фото: әлеуметтік желіден.
