Қазақстан футбол федерациясының (ҚФФ) кезектен тыс XXVII сайлау конференциясы өтті, деп жазады 1bol.kz.
Бұл жиында федерацияның жаңа басшысы анықталды. Президенттікке үш үміткер ұсынылды:
- Алтай Алмасұлы Даумов – «Алматы облысының футбол қауымдастығы» ЗТБ атынан;
- Ербол Қыдырбекұлы Қайыров – «Ақмола облыстық футбол қауымдастығы» ЗТБ атынан;
- Марат Талғатұлы Омаров – «Астана қаласы футбол федерациясы қауымдастығы» ЗТБ атынан.
Бұған дейін сайлауға қатысуға өтінім берген кейбір үміткерлер, атап айтқанда, Наргис Ерланқызы Мағау, Ерлан Айтпайұлы Жамантаев және Давид Григорьевич Лория, өз еркімен қатысудан бас тартты.
Конференция қорытындысы бойынша Марат Талғатұлы Омаров 34 дауыс жинап, ҚФФ президенті болып сайланды. Ол бұл қызметке «Астана қаласы футбол федерациясы қауымдастығы» ЗТБ атынан ұсынылған.
Марат Омаровтың жаңа қызметі Қазақстан футболының дамуына серпін беріп, ұлттық спортты жоғары деңгейге көтеруге бағытталатынына сенім зор.
Фото: әлеуметтік желі.
