Кәсіпқой бокстан орта салмақта IBO тұжырымы бойынша әлем чемпионы Жанқош Тұраров бұл атағынан айрылуы мүмкін, деп жазады 1bol.kz.
Өйткені, ол бір жылдан астам уақыт жекпе-жек өткізбеген.
IBO чемпионы жылына бір рет титулды қорғауы тиіс. Жанқош Тұраров болса соңғы рет шаршы алаңға былтыр қазан айында шықты. Алматыда өткен кәсіпқой бокс кешінде ол жапон Акихиро Кондоны төрешілер шешімімен жеңген болатын.
34 жастағы боксшы осы жылдың қыркүйек айында Алматыда Венесуэлалық Хесус Корреа Пинтомен (16-0, 16 КО) жұдырықтасуы тиіс еді. Алайда, бұл жекпе-жек өтпей қалды.
Айта кетейік, биыл жазда Жанқош Тұраров қыз зорлады деп айыпталған болатын. Алматы тұрғыны полицияға арызданып, боксшыдан ұзақ уақыт жыныстық зорлық көргенін айтқан. Полиция тергеу бастағанымен, сот әлі болған жоқ.
Фото: instagram.com/zhankoshturarov.
