«Барыс» хоккей клубы ҚХЛ тұрақты чемпионатының кезекті матчында Санкт-Петербургтың СКА командасына жол берді, деп жазады penalty.kz.
Қонақтар бірінші кезеңде басымдық танытты
Матчтың алғашқы минуттарынан-ақ қонақтар белсенді ойнады. 5-минутта Захар Бардаков есеп ашты.
Кейін Сергей Плотников екі рет мергендік танытып, СКА-ның басымдығын арттырды. Осылайша бірінші кезеңнен кейін петербургтік клуб айқын басымдыққа ие болды.
Логвин «Барысты» ойынға қайтаруға тырысты
Екінші кезеңнің басында «Барыстың» шабуылшысы Всеволод Логвин бір шайбаның қарымтасын қайтарды. Бірақ көп ұзамай СКА сапында Василий Глотов екі рет көзге түсті. Оның бір голы сан басымдығында соғылса, екіншісі азшылықта ойнап жатқан сәтте тіркелді.
Соған қарамастан кезең аяқталғанға дейін Логвин тағы бір шайба соғып, дубль авторы атанды. Бұл шайба «Барысқа» көпшілік кезінде келді.
Соңғы жиырма минуттықта «Барыс» Семе Симоновтың ықпалымен есеп айырмасын қысқартты. Әрі қарай әрекет жасағанымен, тағы нәтижелі шабуыл ұйымдастыра алмады. Матчтың қорытынды есебі – 3:5.
Фото: hcbarys.kz.
