Құрлықтық хоккей лигасы аясында Астананың «Барысы» өз айдынында Қазанның «Ак Барс» клубын қабылдады, деп хабарлайды 1bol.kz.
Сарапшылар бұл кездесуде қонақтарды фаворит деп санаған.
Ғалым Мәмбеталиев мына құрамды шығарды: Бояркин (Шутов) — Бекетаев-Данияр, Бочаров-Николишин-Бурдасов; Камалов-Хохлов, Панюков-Өмірбеков-Әсетов; Гайтамиров-Бутенко, Савицкий-Бойко-Сетдиков; Королев-Оразов, Мұратов-Шайхмедденов-Оспанов.
Бірінші кезеңде ресейлік клуб есеп ашса, үзілістен соң Аңсар Шайхмедденов таразы басын теңестірді. Барлығы үшінші кезеңде шешілуі керек еді, алайда бұл бөлікте қарсыластар бір-бірінің қақпасынан саңылау таба алған жоқ. Овертаймда да ештеңе шешілмеді. Ал буллитте «Ак Барстың» жолы болды.
7 қарашада «Барыс» Екатеринбургтің «Автомобилист» клубын қабылдайды.
«Барыс» (Астана, Қазақстан) — «Ак Барс» (Қазан, Ресей) 1:2 Б (0:1, 1:0, 0:0, 0:0, 0:1)
Шайбалар: 0:1 — 02:57 Кателевский (Крутов) 1:1 — 39:13 Шайхмедденов (Савицкий, Сетдиков) 1:2 — 65:00 Барабанов. Буллит
Қақпашылар: Бояркин — Билялов Айып: 6:4 (2:0, 0:2, 4:2, 0:0).
Фото: © КХЛ / Вымотов Антон.
