«Челси» қазақстандық шабуылшы Дастан Сәтпаевтың кәсіби тұрғыда өсуіне мүмкіндік беру туралы шешім қабылдады, деп хабарлайды ASnews.kz лондондық клубтағы дереккөзге сілтеме жасап.
18 жастағы футболшыны жалға алуға бірнеше еуропалық клуб дайын отыр. Олардың қатарында франциялық «Страсбур», испаниялық «Расинг», англиялық «Халл Сити» және басқа да ұжымдар бар.
«Челси» Сәтпаевты тәжірибе жинап, еуропалық футбол талаптарына толықтай бейімделуі үшін бір жыл мерзімге жалға жібереді деп күтілуде.
Клуб басшылығы мен бапкерлік штабы өз таңдауын жақын арада жасайды, алайда Сәтпаевтың алдағы маусымды «Челси» сапында бастау мүмкіндігі нөлге тең.
Фотода: Дастан Сәтпаев.
