Қонақүйге кіріп бара жатқан сәтте жанкүйерлердің бірі 17 жастағы қазақстандық футболшыдан қолтаңба сұрады. Сәтбаев өтінішті елеусіз қалдырмай, жанкүйердің көпшіліктің арасынан жетіп келгенін күтіп, қолтаңбасын берді. Кейін оған басқа да жанкүйерлер келіп, қолтаңба алып, бірге суретке түсті.
Бұл сәт әлеуметтік желіде кең тарап, жанкүйерлер Сәтпаевтың қарапайымдылығы мен кішіпейілдігін жоғары бағалады.
«Дастан Сәтбаевтың жанкүйерлерге уақыт бөліп, қолтаңба таратқанына үлкен құрмет. Қазақстандық жігіттің қарапайымдылығы тәнті етті!» – деп жазды жанкүйерлердің бірі.
Еске салайық, Дастан Сәтпаев қазір «Челсидің» маусымалды оқу-жаттығу жиынына қатысып жатыр. Бұған дейін ол «Уестерн Сидней Уондерерске» қарсы жолдастық кездесуде гол соғып, кейін «Тоттенхэмге» қарсы матчта алаңға қосалқы құрамнан шығып, ойын өрнегін көрсетті.
Фото: “Челси” ФК.
