Қазақстан Премьер Лигасындағы «Астана»-«Атырау» матчындағы дау әлі басылар емес. Небір жазбалар келіп жатыр. Ол ойынды қайталап көрдім. Бұндай жағдайлар бұған дейін де болған. Бұдан кейін де болады. Өйткені, отандық футбол өз алдына бөлек әлем. Мемлекет бюджетінен миллиардтаған қаржыны қалтаға басады да, өз білгендерін істейді. До того еркінсіп кеткен. Халықтың мойнына плотно отырып алды және түскілері жоқ. Керісінше, езген сайын езе түсуде.
Сыбайлас жемқорлыққа қарсы қызмет жақында ғана масқара деректерді жариялады. Мәселен, әлгі «Астана» клубына 2018-2023 жылдар аралында 50 млрд тг бөлінген. Қайдан бөлінген? Құрылтайшысы – Спорт және дене шынықтыру істері комитетінің «Қазспортинвест» АҚ «Туризм және спорт индустриясын қолдау қоры» корпоративтік қоры және ҰОК. Ресми ақпарат. Бірақ, соған қарамастан клубтың футбол академиясы мен инфрақұрылымы жоқ. Қаржы қайдағы жоқ легионерлердің жалақысына кетіп жатыр. Кеше жасыл алаңға шыққан 11 ойыншының 10-ы келімсек. Матчтың түрі мынау. Артындағы дау әлі бықсып жатыр.
Осындай «Астана» бізге керек пе?! Оның ел чемпионы болғанынан қазақ спорты не ұтады? Қазақ халқына нақты қандай пайда? Қазақ балаларына ше? Олар алаңға шықпаса, оларға әлгі қаржы жетпесе, бұл клуб нахрен нужен? Неге Алматыда «Қазақтың Мессиі» атанып кеткен Ерали Сүйемқұл доп алуға 9 мың, аяқ киім алуға 20 мың тг таппайды? Жарысқа шығу құны – 150 мың тг. Жағдайы жоқ отбасы үшін ол, тіптен, арман. Осылай қаншама қазақтың ұл-қызы тентіреп жүр. Ал, мыналар просто 50 млрд тг ала салады. Неге күрестегі жастар құрамасы ОЛИМПБЕТ деген спортивка киюге мәжбүр? Олар неге Қазақтың туы және Қазақстан деген жазуы бар сапалы киім кимейді? 50 млрд-қа 50 жыл бойы керек-жарақпен қамтамасыз етуге болады ғой. Сол 50 млрд неге именно “Астанаға” кетуде? Кеше комикс кітаптар не керек деп, кеудемізден итерген қор қызметкерлері мыналарға неге оп-оңай 50 млрд тг шаша салады? Балалар кітабы емес, «Астана» клубы бізге не керек деген сұрақ туындамай ма? Мынаның бәрі абсурд қой. Қазақтың елінде қазақтың мүддесі неге бірінші орында емес? Мыналар қашан тояды? Құсатын уақыттары болды ғой. Қашанғы сорлы боламыз? Қашанғы бейшараның күйін кешеміз?
