Сербиялық қорғаушы Златан Шехович Қазақстан Премьер-лигасына қайта оралмайды, деп хабарлайды ASnews.kz.
ҚПЛ клубтарынан ұсыныс болғанына қарамастан, сол қапталдағы қорғаушы мансабын Еуропада жалғастыруды жөн көрген.
25 жастағы футболшы бұған дейін Израильдің «Маккаби» Нетанья және Сербияның «Партизан» клубтарында дор тепкен.
2024 жылы шымкенттік «Ордабасы» сапында өнер көрсетіп, 31 матчта бір гол соқты, үш нәтижелі пас берді.
Transfermarkt порталы Сербия жастар құрамасының бұрынғы ойыншысын 375 мың еуроға бағалап отыр.
Қазіргі таңда Шехович Чехияның «Дукла» клубында ойнап жүр.
Фотода: Златан Шехович.
