Павлодарлық клуб стадион жөндеуіне байланысты уақытша «Астана Аренада» доп тебеді, деп хабарлайды penalty.kz.
Павлодардың «Ертіс» футбол клубы өз алаңындағы матчтарды уақытша Астана қаласына ауыстырғанын ресми түрде мәлімдеді.
Клубтың баспасөз қызметінің хабарлауынша, Павлодардағы Орталық стадионда жөндеу жұмыстары жүргізілуде. Атап айтқанда:
- алаң жабыны толық ауыстырылады
- суару жүйесі жаңартылады
- трибуналар жөндеуден өтеді
Жұмыстарды маусым айында аяқтау жоспарланған.
Осыған байланысты «Ертіс» командасы 27 мамырға дейінгі матчтарын Астанадағы «Астана Аренада» өткізеді.
Матч кестесі
- 2 мамыр – «Ертіс» – «Қайрат»
- 16 мамыр – «Ертіс» – «Елімай»
- 27 мамыр – «Ертіс» – «Ұлытау»
Қазақстан Премьер-лигасының жеті турынан кейін «Ертіс» 6 ұпай жинады. Қазір турнир кестесінде 12-орында тұр.
Фото: Vesti.kz.
