Еуропалық футбол қауымдастықтары одағының (UEFA) арбитрі Ұлыбританияда кәмелетке толмаған жасөспірімге қатысты орынсыз әрекеттер жасады деген күдікпен ұсталды, деп жазады 1bol.kz.
БАҚ мәліметінше, төреші қонақүйдің қоғамдық аймағында жасөспіріммен танысып, оған тиісіп, кейін бөлмесіне шақырмақ болған. Осы жайттан кейін полиция тергеу амалдарын бастап, арбитр матчтан кейін елден қайтып оралған сәтте ұсталған.
Қазіргі уақытта ол жауап алынғаннан кейін кепілмен босатылған.
Ақпарат көздерінің хабарлауынша, аталған төреші 2026 жылғы әлем чемпионатына үміткерлер қатарында болған. Ал FIFA өкілдері тергеу аяқталғанға дейін оның кандидатурасы қаралмайтынын мәлімдеді.
Фото: thesun.co.uk.
