Қазақстанның бірінші ракеткасы, әлемнің №2 теннисшісі Елена Рыбакина биылғы маусымда ерекше нәтижеге қол жеткізді, деп хабарлайды 1bol.kz.
Қазіргі таңда қазақстандық спортшы 27 жеңіспен маусымдағы ең үздік көрсеткішке ие. Бұл көрсеткіш бойынша Рыбакина әйелдер арасында ғана емес, ерлер теннисі өкілдерінің ішінде де көш бастап тұр.
Айта кетейік, ерлер арасындағы әлемнің бірінші ракеткасы Янник Синнердің еншісінде 26 жеңіс бар.
Мадридте (Испания) өтіп жатқан WTA 1000 турнирінің үшінші айналымында Чжэн Циньвэньді жеңген Рыбакина енді ширек финал жолдамасы үшін әлемнің 56-ракеткасы Анастасия Потаповамен кортқа шығады.
Аталған матч 29 сәуірге қараған түні, Қазақстан уақытымен сағат 00:00-де басталады.
Фото: instagram.com/rolandgarros.
