Қазақстан Премьер-лигасының V туры екінші ойын күніндегі үш кездесудің нәтижесі белгілі болды.
Бұл турда «Қызылжар» (Петропавл) — «Жеңіс» (Астана) матчында жанкүйер күтпеген есеп тіркелді. Турнир кестесінде командалар қатарлас келе жатқан еді. Дегенмен петропавлдық клуб жеңіске жетуге бар күшін салды.
Ойынның бірінші кезеңінде олар бір ғана гол соқты. Оны 35-минутта Анатолий Козленко өзінің еншісіне жазды.
Екінші кезеңде Йоханнес Бьорталид 60, 80, Аслан Әділ 74-минутта қатарынан үш соғып кетті.
Сондай-ақ өз алаңында көкшетаулық «Оқжетпес» Павлодардың «Ертісін» 2:1 есебімен жеңсе, сырт алаңда дәл сондай есеппен Жезқазғанның «Ұлытауы» Өскеменнің «Алтайын» сүріндірді.
Бұл турды «Ақтөбе» — «Каспий» (Ақтау) кездесуі түйіндейді.
Фото: Kffleague.kz.
