Шымкенттік «Ордабасының» қорғаныс шебінде үлкен саңылау пайда болды, деп хабарлайды Aladop.kz.
Молдовалық орталық қорғаушысы Виктор Мудрак жақын арада алаңға шыға алмайды. Бұл туралы команданың бас бапкері Андрей Мартин мәлімдеді.
Клуб жанкүйерлері тәжірибелі қорғаушының қайтып оралуын асыға күткенімен, дәрігерлер мен бапкерлер штабының болжамы көңіл көншітпей тұр.
Бас бапкердің айтуынша, Мудрактың жағдайы тікелей оның организмінің ауыр жүктемелерге дайындығына байланысты. Қазіргі уақытта футболшының алаңға оралуына кем дегенде бір жарым ай уақыт қажет.
«Мудракқа әлі уақыт керек. Кемінде бір жарым ай командамен бірге жалпы дайындық жұмыстарын жүргізеді. Бірақ әзірге үлкен шектеулермен жаттығады. Барлығы оның тізесінің берілген жүктемелерге қалай әсер ететініне байланысты.” — деді Андрей Мартин Legalbet.kz тілшісіне берген сұхбатында.
