Белгілі спорт комментаторы Әлімжан Тасболатұлы Қазақстан құрамасының өнерін бағалап, пікірімен бөлісті, деп жазады aladop.kz.
«Жаздағы жолдастық кездесулер де, ертеңгі ойын да жігіттер арасындағы түсіністікті, командалық «химияны» жақсартады деп білеміз. Әзірге Ұлттар лигасына 100% дайынбыз деп айта алмаймын, өйткені Қазақстан премьер-лигасының маусымы енді ғана басталды, ойыншылар толық бабында емес екені белгілі. Қыркүйекке дейін тағы бірнеше ойын өтеді: сырт алаңда Армения және Венгриямен күш сынасамыз. Талғат Маруанұлы Байсуфинов тиісті пысықтау жұмыстарын жүргізіп, команданы дайындап, Ұлттар лигасында сәтті өнер көрсетеді деген үмітіміз зор», – деді Ә.Тасболатұлы “ASnews.kz” сайтына берген сұқбатында.
Айта кетейік, Қазақстан құрамасы FIFA Series турниріндегі алғашқы матчында Намибияны 2:0 есебімен ұтқан болатын. Бүгін енді Талғат Байсуфиновтың командасы Комор Аралдарына қарсы өнер көрсетеді.
Фотода: Қазақстан құрамасы.
