Оның айтуынша, бас бапкер Виктор Балютович күрделі операциядан кейін оңалту кезеңінен өтіп жатқандықтан, Смақовтың ассистент ретінде келуі – орынды шешім.
«Самат Смақов кез келген уақытта, атап айтқанда, уақытша бас бапкердің міндетін атқаруға дайын болуы тиіс. Біз Виктор Балютовичтің тезірек сауығып, қызметіне қайта оралуын тілейміз», — деді Асанбаев.
Сондай-ақ ол «Тұран» клубының спорттық құрылымын жоғары бағалады. Оның құрамында Кумыков, Смақов, Горовенко, Байжанов, Сақалбаев секілді тәжірибелі мамандар бар екенін атап өтті.
Асанбаевтың пікірінше, мұндай мықты құрам командаға жақсы нәтиже әкелуі тиіс. Сонымен қатар, ол «Тұранды» үлкен болашағы бар, тек Қазақстан Премьер-лигасы жолдамасымен шектелмейтін амбициялы жоба ретінде бағалады.
Айта кетейік, «Тұран» жаңа маусымды Бірінші лигада бастайды.
Фото: «Жетісу» ФК.
