Футболдан Қазақстан Премьер-лигасының (ҚПЛ) екінші турындағы «Қайсар» мен «Астана» арасындағы матчтың басталу уақыты өзгертілді, деп хабарлайды penalty.kz.
Матч бір сағатқа кеш басталады
Ресми ақпаратқа сәйкес, кездесу алғашында 18:00-де басталады деп жоспарланған. Алайда «Қайсар» клубының жанкүйерлерінің өтініші бойынша ойын уақыты өзгертіліп, матч 19:00-де басталатын болды.
Айта кетейік, бұл кездесу 2026 жылдың 16 наурызында өтеді.
Бірінші турдағы нәтижелер
Екі команда да жаңа маусымды әртүрлі нәтижемен бастады.
- «Қайсар» бірінші турда өз алаңында «Жеңіспен» 1:1 есебімен тең түсті.
- «Астана» да өз алаңында ойнап, «Жетісуды» 4:1 есебімен сенімді жеңіске жетті.
Өткен маусымдағы көрсеткіш
Өткен маусымда елордалық клуб чемпиондыққа таласып, 57 ұпаймен турнирлік кестеде екінші орын алды.
Ал қызылордалық «Қайсар» 22 ұпаймен 11-орынға тұрақтады.
Фото: sportarena.kz.
