Қазақстан футбол федерациясының (ҚФФ) бас хатшысы Давид Лория ертең, 11 наурызда өз қызметінен ресми түрде кетеді, деп хабарлайды ASnews.kz.
Бұл күні ҚФФ Атқарушы комитетінің кезектен тыс отырысы өтіп, онда тиісті шешім қабылданады. Сондай-ақ, бас хатшының міндетін уақытша атқарушы тағайындалады.
Айта кетейік, бұған дейін өткен жылы жойылған вице-президент лауазымының қайта оралатыны туралы ақпарат пайда болған еді.
Давид Лория федерацияның бас хатшысы қызметіне 2025 жылдың 2 сәуірінде тағайындалған болатын. Футболшы ретінде ол ұлттық құрама сапында 46 матч өткізген.
Фотода: Давид Лория.
