Айта кету керек, соңғы екі маусымда «Барыс» аса сәтсіз өнер көрсетті. Биылғы маусым тіпті құрдымға кетті деуге болады. Елордалық команда бір жылда үш бапкер аусытырып, тіпті клубтың бас директорын да қуып шықты. Алайда, бұл шаралар команданың оң нәтиже көрсетуіне еш әсерін тигізген жоқ.
Осы жағдайдан кейін ресейлік спорт сарапшылары да, отандық жанкүйерлер де «Барысты» ҚХЛ-ден кетіп, елдің ішкі чемпионатында ғана өнер көрсетуі керек деген ұсынысын айтып жатыр. Старченко болса бұл пікірмен келіспейді.
«Бұлай болмайды. Құрлықтық хоккей лигасында Қазақстан атынан кемі бір, әйтпесе екі клуб ойнауы керек, әйтпесе елдегі хоккей деңгейі тым құлдырап кетеді», — деді команда капитаны.
Қазіргі таңда «Барысты» Ғалым Мәмбетәлиев жаттықтырады. Клуб маусым соңында бірнеше легионермен келісімшартты үзіп, негізінен отандық ойыншыларды айдынға шығарды. Жаңа маусымда қандай өзгеріс болатынын клуб басшылары енді айтады.
Фото: Барыс ХК.
