«Ұлытау» құрамасының шабуылшысы Котаро Киси Жезқазған клубындағы алғашқы ойынынан соң жанкүйерлерге арнап үндеу жариялады, деп жазады 1bol.kz.
«Қазақстан Премьер-лигасындағы дебютім. Бірінші жапон ойыншысы ретінде мен ерекше қуаныш пен жауапкершілікті қатар сезініп тұрмын. Алдағы уақытта бұдан да жақсы өнер көрсетемін. Қолдауларыңыз бен жылы лебіздеріңіз үшін рахмет», — деп жазды КПЛ тарихындағы алғашқы жапон футболшысы.
Айта кетейік, «Ұлытау» жапондық ойыншымен биылғы маусымның соңына дейін келісімшартқа отырған. Бұған дейін Киси Черногорияның Бар қаласындағы «Морнар» клубында және Мальтаның Екінші лигасындағы «Лия Атлектик» сапында өнер көрсеткен. Ал кәсіби мансабын Жапониядағы «Токоха» университетінің командасында бастаған.
Өткен маусымда 27 жастағы вингер 45 матч өткізіп, 6 гол соғып, 3 нәтижелі пас берген.
Фото: әлеуметтік желі.
