Құрлықтық хоккей лигасының жаңа маусымы басталды. Астананың «Барыс» клубы алғашқы ойында өз айдынында жеңілді, деп хабарлайды 1bol.kz.
Матчтың негізі уақыты тең аяқталды. есеп екінші кезеңде ашылды. Уэйд Эллисон 36-минутта «Барысты» алға шығарған. Бірақ Владимир Брюквин 49-минутта таразы басын теңестірді.
Жеңімпаз овертаймда анықталды. Қосымша уақытта «Нефтехимик» ойыншысы мергендік танытты.
Былтырғы маусымда ҚХЛ-дың Шығыс Конференциясында соңғы орын алған «Барыс» биыл да қатырмайтын сияқты. «Нефтехимик» секілді ортаңқол командадан өз айдынында жеңіліп отыр деп наразылық білдіріп жатыр жанкүйерлер әлеуметтік желіде.
Енді астаналық ұжым 6 қыркүйекте «Трактор» (Челябі), 9 қыркүйекте «Амур» (Хабаровск), 13 қыркүйекте Беларусьтің «Динамо» (Минск) клубымен кездеседі.
Фото: Барыс ХК.
