LDUBB Boxing YouTube-каналының авторы Буг Уильямс орта салмақта WBO/IBF нұсқалары бойынша әлем чемпионы Жәнібек Әлімханұлына (16-0, 11 КО) лайықты қарсылас тапты, деп жазады 1bol.kz.
Бугтің сөзінше, қазақстандық боксшы үшін америкалық Трой Айсли (14-0, 5 КО) тиімді қарсылас болмақ.
Бұған дейін инсайдер Дэн Рафаэль «QAZAQ Style» британиялық Шакиель Томпсонмен (13-0, 9 КО) келіссөздер жүргізіп жатқанын айтқан. Бокс кеші сәуір немесе мамырда өтуі мүмкін деген еді ол.
«Қазіргі таңда Жәнібек Трой Айслимен жекпе-жек өткізуі керек», — деп жазды Уильямс өзінің Х-тегі парақшасында.
Естеріңізде болса, Жәнібек Әлімханұлы соңғы рет шаршы алаңға былтыр қазан айында Сиднейде (Аустралия) шығып, тоғызыншы раундта Жаңа Зеландия өкілі Андрей Михайловичті (21-1, 13 КО) техникалық нокаутпен жеңген.
Фото: Top Rank.
