Қазақстандық, әлемнің 318-ракеткасы Зарина Диас Куруме (Жапония) ITF W50 турнирінің жартылай финалына шықты, деп хабарлайды ҚазАқпарат.
Доданың 6-ракеткасы болып тіркелген қазақстандық теннисші ширек финалда дүниежүзілік рейтингіде 499-орында тұрған Жапония өкілі Момоко Кобориді ойсырата ұтты.
Кездесу 6:3, 6:1 есебімен аяқталды.
Бәсеке небәрі 59 минутқа созылды.
Зарина Диас финалға шығу үшін әлемнің 336-ракеткасы, қытайлық Мэйлин Ванмен таласады.
Қазақстандық теннисші қазіргі кезде WTA Live рейтингісінде 295-орынға көтеріліп, ТОП-300-ге кіріп тұр.
Фото: ҚТФ.
