«Үлкен дулыға» санатындағы US Open турнирін қазақстандық Александр Бублик (#27) бірінші айналымнан аяқтады, дейді 1bol.kz.
Отандасымыз қытайлық Шан Цзюнчэннен (#72) 2:3 есебімен жеңілді.
Әлемдік рейтингте қазақстандық теннисші қарсыласынан әлдеқайда жоғары орында тұрғанымен, матчтың фавориті ретінде Шан Цзюнчэн саналды. Тиісінше, ол аса тартысты өткен кездесуді жеңіп шықты. Матч 3 сағат 36 минутқа созылып, 6:4, 3:6, 5:7, 6:3, 6:4 есебімен аяқталды.
Айта кетейік, Қазақстанға Ресейден қоныс аударған Бублик былтыр да дәл осы турнирді бірінші айналымнан аяқтаған болатын. Оның US Open-дегі ең үздік нәтижесі – үшінші айналымға дейін жетуі.
Фото: Reuters.
