UFC-дің ауыр салмақтағы экс-чемпионы, қазір PFL ұйымының файтері Фрэнсис Нганну Камерунда мотоцикл тізгіндеп, 17 жастағы қызды қағып кетті. Өкінішке қарай, жаяу жүргінші ауыр жарақаттардан көз жұмды, дейді penalty.kz.
Ағымдағы мәліметтерге сәйкес, соқтығысу өте қатты болған. Бірақ Фрэнсис Нганну оқиға орнынан қашып кетпей зардап шеккен қызға бірден көмектесуге ұмтылып, оны өз қолымен ауруханаға жеткізген. Дәрігерлер шұғыл операция жасағанымен Нтсама Брижит Мануэлланың өмірін сақтап қалу мүмкін болмады.
Фрэнсис Нганну болған қайғылы жағдайдан кейін ауыр күйзелісте жүргені хабарланды. Ол медициналық шығындардың барлығын өз есебінен өтейтінін мәлімдеді.
Алайда оқиғаға байланысты қылмыстық іс қозғалатыны немесе қозғалмайтыны туралы ресми ақпарат әзірге жарияланған жоқ.
Фото: disgustingmen.com.
