Елдің құқық қорғау органдары соңғы жылдардағы ең көлемді спорттық жемқорлық ісін ашып отыр, деп жазады penalty.kz.
Футбол әлемін дүр сілкіндірген тергеу
Бұған дейін Түркия футбол федерациясы (TFF) тексеріс жүргізіп, 571 төрешінің 371-інде букмекерлік аккаунттар бар екенін анықтаған.
Олардың 152-сі тұрақты түрде бәс тіккен, нәтижесінде 149 бас және көмекші арбитр уақытша қызметінен шеттетілді.
Мұндай мәліметтер федерация мен қоғам тарапынан үлкен наразылық тудырды.
Интерпол мен полиция іске араласты
Оқиға Интерполдың назарын аударғаннан кейін қосымша құжаттар Түркия полициясына жолданды.
Оларда футболшылардың, бапкерлер мен клуб менеджерлерінің Албания, Болгария және Солтүстік Кипрдегі заңсыз сайттар арқылы бәс тіккені айтылады.
Бұған дейін Түркия прокуратурасы 21 адамға, соның ішінде 17 төреші мен бір клуб президентіне ордер берген.
Ыстамбұл прокуратурасының дерегінше, Стамбул мен тағы 11 провинцияда өткен таңғы рейдтер барысында кемінде 18 күдікті ұсталған.
Құжаттарда аты-жөндері көрсетілмеген арбитрлерге қатысты қызметтік өкілеттілікті асыра пайдалану және ойын нәтижесіне ықпал ету баптары бойынша іс қозғалған.
Фото: turkiyetoday.com.
