Бүгін Токиода басталған Гранд Слэм турнирінде татамиге шыққан барлық қазақстандық дзюдошылар жеңіліп қалды.
60 келіде Дәурен Сүйеукенов, Шерзод Давлатов, 73 келіде Бақытжан Әбдірахманов жарысты аяқтады. Әбдірахманов алғашқы айналымда румын балуанын ұтса, екінші айналымда АҚШ өкілінен оңбай ұтылды. Ал Сүйеукенов пен Давлатов алғашқы айналыммен жарысты аяқтауға мәжбүр болды.
Әйелдер арасында 52 келіде Толғанай Әбеуова, 57 келіде Дана Әбдірова, 63 келіде Самалай Ерғалиева да алғашқы белдесуде жеңілістің кермек дәмін татып, елге жүлдесіз оралатын болды.
Енді ерлер 81, 90, -100, +100 келіде, ал әйелдер 70, 78, +78 келіде ертең татамиге шығады. Аталған турнирге Қазақстан ұлттық құрамасынан 11 балуан жарысқа аттанған болатын.
Фото: IJF.
