Испан басылымы «Қайрат» – «Олимпиакос» кездесуінің басты қаһарманы ретінде Анарбековты атады. Алматылық «Қайраттың» қақпашысы Темірлан Анарбеков клубтан кетуі мен болашаққа қатысты жоспарларын айтты, деп жазады qandastar.kz. ақпараттық агеннтігі испандық Marca басылымына сілтеме жасап.
Испандық медиа Анарбековты биылғы Чемпиондар Лигасының үздік қақпашысы және «Қайрат» – «Олимпиакос» матчының шешуші ойыншысы деп таныды.
Marca атап өткендей, Мартинш соққан жалғыз гол қазақстандық қақпашының әсерлі ойынында тек болар-болмас кемшілік болып қалды. Анарбеков матч барысында сегіз сейв жасады, оның бесеуі айып алаңындағы аса қауіпті соққылардан еді. Ол соңғы ысқырыққа дейін команданы ойынға қайта-қайта қайтарып отырды.
«Чемпиондар Лигасының төрт матчында мен 24 сейв жасадым (УЕФА 27 деп көрсетеді). Бірақ ең бастысы – команда. Біз есептегі айырмашылықты қысқартып, мінез көрсеттік, Қазақстанның намысын қорғадық», – деді Анарбеков грек клубымен өткен ойынан кейін.
Басылымның мәліметінше, Чемпиондар Лигасындағы ойындар 22 жастағы қақпашы үшін өзін көрсетуге үлкен мүмкіндік болған.
«Мен болашаққа ашықпын. Мүмкін, Еуропада бір қадам алға басатын уақыт келген шығар. Бірақ дәл қазір жүрегім әлі де «Қайратпен» бірге», – деп мойындады ол.
Еске сала кетейік, «Олимпиакос» пен «Қайрат» арасындағы матч 9 желтоқсанда «Астана Аренада» өтіп, қонақтардың 1:0 есебімен жеңісімен аяқталды.
Фото: instagram/f.c.kairat
