UFC-де жартылай орта салмақтағы әлем чемпионы Белал Мухаммад (24-3) биыл көктемде титулын қорғау үшін қазақ файтері Шавкат Рахмоновпен (19-0) жекпе-жек өткізуі тиіс, деп жазады 1bol.kz.
Палестинадан шыққан америкалық файтер Белал Мухаммад Шавкатпен былтыр желтоқсанда төбелесуі тиіс болған. Алайда, ол кезде денсаулығына байланысты жекпе-жектен бас тартқан еді. Оның алдында да түрлі сылтаумен уақыт созып келген. Бұл жолы Белал қазақты «сындырып тастауға» уәде берді.
«Мен Шавкаттың кемшіліктерін көріп отырмын. Әлсіз тұстарын жақсы білемін. Сондықтан, онымен шыққанда басқа қарсыластарымды сындырғандай, оны да сындырып тастаймын», — деді Белал Barstool Chicago арнасына берген сұхбатында.
Қос файтер өзара ресми келісімге келмеген. Жекпе-жектің нақты өтетін күні белгісіз. Екеуі де Рамазан айының аяқталғанын күтетінін айтып, содан кейін ғана октагонға шығатындарын мәлімдеді.
Фото: Getty Images.
