Шотландиялық клубтың еуродада аясында өткізген кездесулерінің статистикасы жаман емес, деп жазады Аладоп.kz.
1962 жылы алғаш рет еурокубокте бақ сынаған “Селтик” осы уақытқа дейін жалпы алғанда 423 матч өткізіпті.
Шотландиялық клуб соның 187-інде жеңіп, 80 тең ойнап, қалған 156 ойында жеңіліс тауыпты.
Сол кездесулерде Глазго ұжымы 661 гол соғып, өз қақпасына 530 гол жіберген екен.
Жасылдар ұжымы өз тарихында Чемпиондар Лигасында өте сәтте өнер көрсеткен. Команда жеңістерінің жартысына жуығын дәл осы турнирде жеткен. Сөзімізге дәлел, Селтик 1966-67 жылғы Чемпиондар Лигасының финалында миландық Интерден 2:1 есебімен басым түсіп, қалқанқұлақ кубокке қол жеткізген. Осындай жетістігінен кейін шотландиялық ұжым еурокубоктің басты турнирінде сенсация жасаған “Стяуа”, “Ноттингем”, “Порту” және “Црвена Звезда” ұжымдары қатарына кірді.
Ал “Селтик” қарсыласы “Қайраттың” еурокубоктегі статистикасы қандай?
“Қайрат” Глазго қаласының ұжымы секілді еурокубокте атап айтарлықтай жетістікке жетпеген. Жалпы бұл қазақстанның бар ұжымына қатысты.
Тек еурокубок дегенде “Тобылдың” тас ғасырында ұтқан Интертото кубогы ғана еске түседі.
Бірақ соған қарамастан, “Қайрат” соның әрекетін жасап тұрмысып келеді. Биылғы маусымда Чемпиондар Лигасының 3 іріктеуін мүдірмей өткен командада кем дегенде Еуропа Лигасының топтық кезеңі бар. Жалпы Алматы ұжымы өз тарихында еурокубокте 60 матч өткізген. Соның 25 жеңіп, 11 тең ойнап, қалған 24 жеңілістің кермек дәмін таттқан. Клубтың еуродадағы ең нәтижелі көрсеткіші Конференция Лигасының топтық кезеңі болып есептеледі. Әрине, “Селтик” пен “Қайратты” бұл жөніне салыстыру тіпті қате шешім. Тарихы тереңде жатқан клубта басын қазақстандық ұжым сияқты бастап нәтижесінде жыл санап тәжірибесін арттырды. Оның үстіне еуропалық ұжымдарда топ турнирлерде өнер көрсету мүмкіндігі біздікімен салыстырғанда, үнемі жоғары болып келеді.
Алайда 21 тамыз күні жасыл алаңға шығатын біздің жігіттер статистикамен санасып отырмайды. Олар миллиондаған қазақ футболы жанкүйерлерінің үкілі үмітін ақтау үшін Шотландия жерінде барын салады. Оған күмән де жоқ!
