Туризм және спорт вице-министрі Серік Жарасбаев Мәжіліс қарауында жатқан Спорт туралы заң жобасына терроризм мен эктремизмге қарсы нормалар енгізілгенін айтты, деп жазады 1bol.kz.
Бұл мәселе Мәжілісте спорт тақырыбы талқыланған кезде көтерілді. Депутат Жигули Дайрабаев сақалы тым ұзын спорт саңлақтарын сынаған. Тіпті дінге қатты берілсе, спортын қойып, «мешітке барып намаз оқуға» кеңес берген.
Ал вице-министр бұл мәселенің шынымен де өзекті екенін растап, ондай спортшылардың тізімі бар екенін де алға тартты.
«Өкінішке қарай, қазіргі таңда көптеген спорт түрлерінде, өзіңіз айтып отырғандай, діннің қате ағымына кетіп қалған спортшыларымыз бар. Оны білеміз, тізімі бар. Спорт туралы заң жобасына терроризм мен эктремизмге қарсы нормаларды енгізіп отырмыз. Оны депутаттар қолдады», — деді Серік Жарасбаев.
Фото: ОКҚ.
