Максим Самородов «Ахматты» бағындыруда, деп хабарлайды Aladop.kz.
Грозныйлық «Ахмат” жанкүйерлері арасында жүргізілген сауалнама қорытындысы бойынша, отандасымыз наурыз айының үздік ойыншылары тізімінде көш басшылардың бірі атанды.
Шабуылшы наурыз айында алаңға шыққан 4 матчта, 2 гол соқты, 2 нәтижелі пас берді.
Осындай керемет статистиканың арқасында Максим жанкүйерлер дауыс беруінде құрметті екінші орынды иеленді. Ол тек тәжірибелі Георгий Мелкадзеге ғана жол берді. Айта кетерлігі, Самородов тұрақтылықтың үлгісін көрсетіп келеді, ол бұған дейін де екі рет екінші, бір рет үшінші орыннан көрінген болатын.
