Қазақстандық боксшы Садриддин Ахмедовтің (15-0, 13 КО) алдағы жекпе-жегі қай күні өтетіні белгіленді.
Ол 19 сәуірде Лос-Анджелес (АҚШ) қаласында мексикалық Элиас Эспадеспен (23-6, 16 КО) қолғап түйістіреді.
Садриддин Ахмедов 1998 жылы қазіргі Түркістан облысы Жетісай қаласында дүниеге келген. Әуесқой бокста 2016 жылы жастар арасында әлем чемпионы атағын жеңіп алған.
2017 жылдан бері кәсіпқой бокста бақ сынап келеді.
Былғары қолғап шебері бұдан бұрын Рафаэль Игбоквені жеңген еді.
Санта-Инезде (АҚШ) өткен Hollywood Fight Nights бокс кешінде отандасымыз америкалық боксшы Рафаэль Игбоквемен (17-6, 7 КО) қолғап түйістірді. Он раундқа жоспарланған жекпе-жекте Садриддин жетінші раундта қарсыласын нокаутпен жеңді.
Фото: sports.kz.
