Әлемдік рейтингте 11-ші сатысында тұрған қазақстандық теннисші Елена Рыбакина Мадридтегі WTA 1000 турнирінің 1/16 финалында жеңіліп қалды, деп жазады 1bol.kz.
Отандасымыз Испаниядағы сында украиналық Элина Свитолинаға қарсы ойнаған болатын. Алайда, кездесу 2:0 есебімен қарсыластың пайдасына шешілді.
Алғаш сет 3:6 есебімен аяқталды. Рыбакина сылбыр ойнап, қарсыласының екі рет брейк жасауына мүмкіндік берді. Ал, екінші сетте украиналық теннисші бір рет брейк жасап, 6:4 есебін тіркеді.
Элина Светолина әлемдік рейтингте 17-ші сатыда тұр.
Еске салайық, Мадрид турнирінің 1/32 финалында Елена Рыбакина канадалық Бьянка Андрескуден 2:0 (6:3, 6:2) есебімен басым түскен болатын.
Фото: WTA.
