Әлемдік футбол жұлдызы, «Әл-Насрдың» капитаны Криштиану Роналду мен оның жұбайы Джорджина Родригес Сауд Арабиясындағы Қызыл теңіз жағалауындағы Nujuma (Ritz-Carlton Reserve) курортынан екі вилла иеленді, деп жазады penalty.kz.
Виллалар қайда орналасқан?
Ақпаратқа сәйкес, виллалар құрлықтан шамамен 26 шақырым қашықта орналасқан аралда тұр. Ол жерге тек катермен немесе гидроұшақпен жетуге болады.
Роналду: «Бұл жерден тыныштық табамыз»
БАҚ-та келтірілген Роналдудың сөзінше, Қызыл теңіз аймағы олардың отбасына ерекше әсер қалдырған.
“Табиғаты мен тыныштығы ұнаған. Енді мұнда өз үйлері болған соң, отбасымен жеке кеңістікте демалуға мүмкіндік бар.”
Бір ай бұрынғы тағы бір жаңалық: ММА жобасына инвестиция
Айта кетейік, бұған дейін Роналдудың UFC чемпионы Илия Топуриямен бірге Испаниядағы WOW FC ММА промоушенінің үлесіне серіктес ретінде кіргені хабарланған еді.
Осы арада бірқатар дереккөздер Роналду мен Джорджинаның үйлену тойы ЧМ-2026 аяқталғаннан кейін, 2026 жылдың жазында Португалияның Мадейра аралында өтуі мүмкін екенін жазып жатыр. Мүмкін нұсқа ретінде Фуншалдағы (Sé do Funchal) кафедралды собор аталады.
Фото: instagram/@cristiano.
