Мадридтің «Реалы» Испанияның жоғарғы футбол чемпионаты Ла Лигадан кетуге ниетті екенін жариялады, деп жазады penalty.kz.
Бұған клубтың төрешілер шешімдеріне деген наразылығы себеп болды.
Қазір “корольдік клубә турнир кестесінде бірінші орында және чемпиондыққа жақын тұр. Дегенмен клуб басшылығы Ла Лига президенті Хавьер Тебаспен және судьялар корпусының жұмысына қанағаттанбай отыр.
Қайшылықтар неден туындады?
- “Реал” соңғы матчтардағы даулы төрешілік шешімдерге наразылық білдірді.
- “Эспаньол” ойыншысы Карлос Ромероның Килиан Мбаппеге жасаған дөрекі фолы үшін қызыл карточка алмауы клубтың ашуын тудырды. Бұл матчта “Реал” 0:1 есебімен жеңілді, ал шешуші голды сол Ромеро соқты.
- Джуд Беллингемнің “Осасунаға” қарсы матчта алаңнан қуылуы да клубтың наразылығын күшейтті. Бас бапкер Карло Анчелотти бұл жағдайды VAR “сөндірілген” тәрізді болды деп, ирониямен түсіндірді. Ағылшындық жартылай қорғаушыға 12 матчтық дисквалификация қаупі төніп тұр.
Фото: championat.com.ua.
“Реал” қай лигаға ауысуы мүмкін?
The Sun мәліметінше, “Реал” басқа чемпионаттарға ауысу жолдарын қарастырып жатыр. Клуб басшылығы Тебас басқа командаларды “Реалға” қарсы қойды деп есептейді.
Бірақ бұл қадамды жүзеге асыру үшін:
- Клуб президенті Флорентино Перес алдымен ФИФА-ның мақұлдауын алуы тиіс.
- Ла Лига мен УЕФА-дан ресми рұқсат алу қажет.
Клубтың Франция, Германия және Италия чемпионаттарына ауысу мүмкіндігі қарастырылып жатыр. Бірақ Англия Премьер-Лигасына (АПЛ) ауысу ықтималдығы төмен, себебі клуб бұған дейін бұл нұсқаны зерттеп, бірақ жүзеге асыра алмаған.
Фото: fondoruso.ru.
