«Эвертон» клубының бұрынғы жартылай қорғаушысы әрі футболдан Қытай құрамасының бапкері Ли Тие пара алғаны үшін 20 жылға сотталды, деп жазады 1bol.kz.
Ли Тие – Аспан асты елінің ең танымал әрі ең құрмет тұтатын ойыншыларының бірі. Соған қарамастан ол пара беріп, пара алды деп айыпталып, 20 жылға бас бостандығынан айырылды.
Сот футболшының 2015 пен 2021 жылдар аралығында 120 миллион юань көлемінде (8 млрд теңгеден астам) пара беріп, пара алғанын анықтады. Бұл қаражат үшін Ли құрамаға ойыншыларды іріктеуге көмектесіп, матчтардың нәтижелеріне ықпал етіп және келісімшарттар жасауға араласқан.
Фото: eurocom.bg.
