Белгілі қазақстандық ММА жауынгері Қуат Хамитовтың ресейлік Алексей Махноға қарсы жоспарланған жекпе-жегі өтпейтін болды, деп жазады penalty.kz.
Лига басшылығының түсініктемесі
Бұл туралы «Наш боец» порталы хабарлады. АСА лигасының вице-президенті Асланбек Бадаев жағдайды былай түсіндірді:
«Қуат Махноға шақыру тастады. Бірақ шарттар бойынша келісімге келе алмадық. Кейін ол ақпан айында — мерейтойлық турнирде ғана шығуға дайын екенін айтты. Бізде нақты дата мен қарсылас бар дедік: не шығасың, не басқа файтер іздейміз. Жаңа ұсыныс жасадық. Ол қарсыластар тізімін біледі», — деді Бадаев.
Бұған дейінгі жекпе-жек және шақыру
Еске салайық, Қуат Хамитов бұған дейін АСА лигасында сәтті дебют жасаған. Ол ACA 194 турнирінде ресейлік Анатолий Бойконы (12–5) төрешілер шешімімен жеңген еді.
Жеңістен кейін Хамитов Алексей Махноға тікелей октагонның ішінде-ақ ашық шақыру тастаған. Дегенмен келісім жүзеге аспай қалды.
Фото: instagram/@kuat_khamitov.
