Қазақстандық танымал ММА жекпе-жек шебері Қуат Хамитов пен ресейлік Мариф Пираев арасындағы реванш қайтадан тоқтатылды, деп жазады penalty.kz.
Бұл жекпе-жек 28 ақпан күні Астанадағы кәсіпқой бокс кешінде өтуі тиіс еді.
«Қуат Хамитов пен Мариф Пираев арасындағы жекпе-жек ұйымдастырушы тарапқа байланысты емес себептерге байланысты өтпейтін болды. Кештің басты айқасы – Али Ахмедов пен Мацей Сулецки арасындағы WBC Silver белбеуі үшін өтетін жекпе-жек.»
Хамитов та жекпе-жектің тоқтатылғанын растады
Қуат Хамитовтың өзі де бұл ақпаратты әлеуметтік желілерінде бөлісіп, кездесудің болмайтынын ресми түрде мәлімдеді.
Бұл алғашқы кейінге қалдырылған кездесу емес
Еске сала кетейік, Қуат Хамитов пен Мариф Пираев алғашында 27 желтоқсанда Алматыда кездесуі тиіс еді. Бірақ сол кезде қазақстандық файтер денсаулығына байланысты жекпе-жектен бас тартқан болатын.
Фото: esquire.kz.
