Дегенмен, Қуаттың өзі көпшіліктің бұлы пікіріне шүйлікті.
«Жігіттер, мені белгілеуді доғарыңдар, мен сендерге қандай қыздарды ұнататынымды айттым», — деп жазды Хамитов өзінің Instagram-парақшасында.
Еске салайық, былтыр танымал файтер үйленетін пәк қыз таппай жүргенін айтқан болатын. Оның пікірінше, қазіргі қыздардың көбі «бұзылып кеткен».
«Әлеуметтік желідегі өмірі бір басқа, шынайы өмірде мүлдем басқа адам болып шығады. Көпшілігі алкоголь ішеді. Танысып, болашақты жоспарлайын десең, пәк болмай шығады. Мен ондай қыздармен байланысты бірден үземін. Маған жар болатын пәк қыз керек», — деген еді Хамитов сұхбаттарының бірінде.
Спортшының сөзінше, оның жүрегі әлі де бос.
«Жүрегім бос, оның үстіне карьера қуып жүрген жайым бар. Осыдан екі-үш жыл бұрын ата-анама үлкен үй салып бердім. Ендігі арманым – сол шаңыраққа жарымды алып бару. Артымнан өсіп келе жатқан бауырым бар. Бәріміз сол үйде тату-тәтті өмір сүрсек деймін. Болашақ жарым мені жақсы көрсе, мен оны жақсы көрсем болды ғой. Негізі жақсы көрген адам ата-анамды да сыйлайды. Бастысы, қарапайым, ақылды, қазақы тәрбие көрген қыз жолықса екен», — деді Хамитов.
Айта кетейік, Сабина Алтынбекова 2020 жылы кәсіпкер Саят Салманұлына тұрмысқа шығып, 2021 жылы ерлі-зайыпты ұлды болған еді. Жуырда волейболшы ажырасқанын мәлімдеді.
Бүгінге дейін Алтынбекова Индонезияның «Yogya Falcons» командасында өнер көрсетті. Алайда, қазір Астанаға оралған. Болашақ жоспары туралы волейболшы жақын күндері мәлімдемек.
Фото: әлеуметтік желіден.
